Wéi vill Anerer bedeelegt sech den Denis Scuto, an dësen Tour de France-Zäiten, un der Aktioun „Mam Vëlo op d’Schaff”, déi den Transportministère dëst Joer nees an Zesummenaarbecht mat Partner wéi der CFL, dem Verkéiersverbond an der Lëtzebuerger Velosinitiativ organiséiert. Seng Erfahrungen hunn en zu dëser Carte blanche inspiréiert.

Permanent ginn d’Automobilisten jo laanscht d’Autobunne [...]]]> Source : http://news.rtl.lu/commentaire/carteblanche/29815.html

Wéi vill Anerer bedeelegt sech den Denis Scuto, an dësen Tour de France-Zäiten, un der Aktioun „Mam Vëlo op d’Schaff”, déi den Transportministère dëst Joer nees an Zesummenaarbecht mat Partner wéi der CFL, dem Verkéiersverbond an der Lëtzebuerger Velosinitiativ organiséiert. Seng Erfahrungen hunn en zu dëser Carte blanche inspiréiert.

Permanent ginn d’Automobilisten jo laanscht d’Autobunne mat Affiche begléckt, déi hinne soe wéi se sech sollen oder net solle verhalen. Si sinn mol witzeg, mol grave, mol banal. Gutt gemengt meeschtens. Eng Affiche vum Emwelt- a vum Transportministär kréie mer suguer ëmmer nees zervéiert. Eis schéin Äerd ass ze gesinn mat enger Minuterie drop. D’Regierung léisst eis folgendes matdeelen: „Klimaschutz: Et läit an denger Hand. Géi ze Fouss. Huel de Vëlo. Huel de Bus. Änner deng Gewunnechten.”

Vun Ufank un geet dëst Plakat mer zimmlech op de Wecker. Firwat, wëll ech un engem Beispill kloer maachen. Zënter dem 18. Mee bedeelegen ech mech mat e puer Kollegen a Kolleginnen vun der Uni un der Aktioun „Mam Vëlo op d’Schaff”. Dat heescht op d’mannst 15 Mol tëschent dem 18. Mee an dem 24. Juli fueren ech mam Vëlo vu Lampech op Walfer an zeréck. 26 km dohin a 26 km zeréck iwer d’Stad. En Deel kann een och mam ëffentlechen Transport maachen, an anere Wierder mam Zuch, well mam Vëlo an de Bus klammen ass oft problematesch.

Ech hu versicht e Wee ze fannen mat esouvill wéi méiglech Velosweeër. Mee ech muss awer, oft am Berufsverkéier, verschidde Stroosse benotzen, déi Automobilisten als Schläichweeër benotzen: vu Lampech op Ehleng, vum Schléiwenhaff zu Leideleng bis bei d’Hollerecher Kiirch, iirt ech bei der Dexia-Bil an d’Péitrus ka fueren, vu Beggen iwer d’Kromm Längten op Walfer. Ech si generft an d’Autofuerer wuel och. Den éischten Dag hunn ech en Zebrasträife benotzt fir een onméiglechen Traficpunkt ze ëmgoen. Mam Resultat dass e Moto d’Camionette, déi mer d’Vue verspoart huet, iwwerholl huet a mäi viischt Rad gesträift a (glécklecherweis juste) mäi Guidon verbéit huet. „Ça va?” sot en an ass weidergefuer.

Den Zuch huelen mam Velo klappt do scho besser. D’CFL-Schaffner si ganz hëllefsbereet, wëssen awer selwer, dass d’Wagonen net equipéiert sinn fir méi wéi e Grapp voll Cyclisten mat Vëlo opzehuelen, resp. verschidde Waggoen nach guer net equipéiert sinn. Esou munch Trap hunn ech scho missen am Zuch mat mengem Drotiesel blockéieren.

D’Plakat iwer de Klimaschutz geet mer op de Wecker, well e wichtegen Hiweis feelt. Do misst stoen: Géi ze Fouss. Huel de Vëlo. Huel de Bus. An dann: Mär Regierungsmemberen, Gemengen- a Schäfferéit, mär Décideuren a privaten a staatleche Betriiber änneren och eis Gewunnechten a mär huele Mesuren, dass Cyclisten a gudde Konditiounen a virun allem a Sécherheet kënnen op hir Oarbechtsplaz fueren. Mär setzen elo endlech ëm wat mer schonn 10 Joer verspriechen: Mär bannen déi lokal Réseaue vu Vëlospisten un déi National un. Mär schafen an all Gemeng (net nëmmen zu Esch an an der Stad) en zesummenhängenden Réseau vu Vëlospisten. Mär ernennen e Koordinateur um nationale Plang, deen dofir suergt dass déi verschidden Acteuren Transportministère, Travaux publics, Ponts et chaussées, Tourisme, Santé, Education nationale Infrastrukture schafen oder veränneren, fir dass dem Vëlo eng Plaz gi gëtt an net nëmmen e puer Strécher um Macadam.

En attendant, dass mer déi Mesuren am nächste Koalitiounsprogramm erëmfannen, wënsche mer all politesche Responsablen am Land eng schéi Vokanz. Maacht et do wéi mär: Gitt ze Fouss. Huelt de Velo. Ännert är Gewunnechten.

Virun de Wahlen ass no de Wahlen: dee nächsten groussen Stéchdag ass am Oktober 2011, mat de Gemengewahlen zu Lëtzebuerg.

An zu Iechternach, bei der LSAP hunn déi Wahlen elo schon derfir gesuergt, datt 2 prominent Memberen [...]]]> LSAP: : De Raymond Becker, Ex-Generalsekretär vun der Partei, a seng Fra, déi fréier sozialistesch Députéiert Françoise Kuffer sinn ausgetrueden.

Virun de Wahlen ass no de Wahlen: dee nächsten groussen Stéchdag ass am Oktober 2011, mat de Gemengewahlen zu Lëtzebuerg.

An zu Iechternach, bei der LSAP hunn déi Wahlen elo schon derfir gesuergt, datt 2 prominent Memberen hir Parteikaart ofginn hunn.

De fréieren Generalsecretär vun de Sozialisten, de Raymond Becker a seng Fra, die fréier Députéiert Françoise Kuffer sinn aus der LSAP ausgetrueden.

Schonn am Januar huet d’Koppel Becker-Kuffer der LSAP offiziell de Réck gedréit, awer réischt elo, no de Chamberwahlen ass dat duerchgesickert.

De Raymond Becker, ganz activen President vun der asbl Intra Muros begrënnt seng Decisioun domatt, datt hien bei de Gemengewahlen zu Iechternach mat an d’Course wëll goen, d’LSAP hien awer net als Kandidat well mat huelen.

D’Parteispëtzt huet eng aner Versioun vun der Geschicht: D’LSAP huet ni decidéiert, den Iechternacher net mat an déi nächst Gemengewahlen ze huelen – dat seet de Parteipresident.
D’Demissioun vum Raymond Becker geet op de Januar zeréck, sou den LSAP-Chef Alex Bodry – a si hat net direkt eppes matt de Gemengewahlen ze dinn. Deemols ass decidéiert ginn, d’Kandidatur vum Ben Scheuer zeréckzebehalen, et ass awer näischt iwert d’Kandidature fir d’Gemengewahle gesot ginn. De Raymond Becker hätt doraus d’Conclusioun gezunn, dat hien och net op der Lëscht vun der LSAP fir d’Gemengewahlen erwënscht ass – esou eng Decisioun ass aawer ni geholl ginn, sou den Parteipresident Alex Bodry.

D’Françoise Kuffer, déi jo schonn 1993 aus der LSAP eraus an no e puer Méint erem era goung, huet mat der aktiver Politik ofgeschloss.

De Raymond Becker par conter ka sech virstellen, mat enger eegener neier Lëscht an d’Wahlen zu Iechternach ze goen.

Bei eng aner Partei ze wiesselen, ass den Ament jiddefalls, fir de Raymond Becker keng Optioun.

Den Mëttwochowend reagéiert d’Sektioun vun Iechternach a mengt: d’LSAP verléiert zwar elo zwee Memberen, awer keng zwee Mataarbechter.

Schonn am Januar hätt d’Sektioun e Bréif un de Parteipresident geschriwwen, an deem festgehalen gouf, datt déi zwou Persounen bannent 10 Joer op kenger eenzeger Versammlung vun de Memberen derbäi wor; an nawell wären si gefrot ginn, fir déi lescht Gemengewalen ze kandidéieren; déi zwee hätten awer d’Zesummenaarbecht mat der Partei refuséiert.

Weder den Här Becker nach d’Madame Kuffer hätten eng Demande agereecht, fir d’Parlamentswalen vum 7. Juni kënnen derbäi ze sinn; si hätten och keng Demande an deem Sënn fir déi nächst Gemengewalen gemaach.

Source : http://wahlen.rtl.lu/news/aktualiteiten/28722.html